Die afgelope week het 5 van Diamantveld se leerders vir die Noord-Kaap tennisspan aan die Interprovinsiale Tennistoernooi (SA skole) in Pretoria deelgeneem.
Lee-Ann Opperman, Cherise Müller, Victor Greeff, Francois Holtzhausen en Pieter Grové het hulle goed van hulle taak gekwyt.Die O/15 span het hul wedstryde teen Oostelike Provinsie en KZN B gewen, teen Noord-Wes gelykop gespeel en teen Boland verloor.
Die O/19 span het hulle wedstryd teen KZN gewen, maar ongelukkig in die ander wedstryde vasgeval.
Die spelers het ongelooflik mooi presteer en ‘n hele paar wedstryde teen strawwe kompetisie gewen. Die skool is baie trots op elkeen van julle en dankbaar vir julle mooi gedrag op en van die baan af.
