Ons o/15A krieketspan het na Bloemfontein gereis en kragte gemeet teen Hoërskool Jim Fouché. JF het eerste gekolf en teken 144 lopies aan in die toegelate 20 beurte. Die draaibalboulers, Neil Steynberg en Ruben Viljoen neem elkeen 3 paaltjies in Diamantveld se boulbeurt. Diamantveld se kolwers het die telling van 144 met gemak gejaag. Ruben Viljoen het ook geskitter met die kolf en teken 70 lopies van 48 balle aan sowel as Cobus Fourie wat ook 52 lopies van 36 balle aangeteken het. Diamantveld klop JF met 7 paaltjies. #trotsdiamantveld
