Hoërskool Diamantveld bied, in samewerking met Noord-Kaap krieketunie, vir die eerste keer ‘n topgehalte skolekriekettoernooi aan. Nege topskole van regoor die land neem aan hierdie toernooi deel wat die volgende skole insluit: Grey Kollege Bloemfontein, Saint Andrews Bloemfontein, Paarl Boys’ High, Potchefstroom Volkskool, Hoërskool Noord-Kaap, Hoërskool Kalahari, Noord-Kaap HUB-span, Carlton van Heerden en die gasheer, Hoërskool Diamantveld. Dit sal die eerste skoletoernooi wees wat op ‘n internasionale krieketveld plaasvind, en wat uitgesaai word deur SuperSport Schools. Die wedstryde gaan nie net op die SuperSport Schools toep uitgesaai word nie, maar drie van hierdie wedstryde gaan regstreeks op kanaal 216 op DSTV uitgesaai word.

Elke skool bring ‘n totaal van twee spanne wat ‘n o/15 en ‘n o/19 span insluit. Die openingswedstryd vind 22 September 2023 plaas tussen Hoërskool Diamantveld en Grey Kollege. Die toernooi fokus nie net om goeie vermaak en krieket ten toon te stel nie, maar ook om krieket te ontwikkel in die Noord-Kaap. Hoërskool Diamantveld is saam met die gemeenskap opgewonde om hierdie toernooi aan te bied.

#trotsdiamantveld

HNK / Northern Cape High School / Hoërskool Noord Kaap
Grey College
Hoër Jongenskool Paarl Boys’ High School
Hoërskool Kalahari High School
Northern Cape Cricket
St. Andrew’s School, Bloemfontein