Ons Eerstespan het kragte gemeet met Grey Kollege se O/19 B-span in Bloemfontein en het met styl oorwin! Grey Kollege het eerste gekolf en is beperk tot 146 lopies vir die verlies van 7 paaltjies in hul 20 beurte. Hanru Rademeyer en Rulo van der Merwe het elkeen met uitstekende boulwerk 2 paaltjies geneem. Diamantveld het die teiken met selfvertroue gejaag en het die telling in die 17de beurt ingehaal. Hanru Rademeyer was aan die brand met ‘n skitterende 51 lopies van net 17 balle, wat 8 sesse insluit. Francois Holtzhausen het ook briljant gekolf en ‘n stewige 42 lopies van 29 balle aangeteken. Diamantveld wen met 6 paaltjies. Uitstekend manne! #trotsdiamantveld