Cayden le Rolux en Melay Pretorius het van 1–7 Augustus aan die All Africa o/15 Kampioenskappe in Ghana deelgeneem en die volgende uitslae behaal: Beide Cayden en Melay het bronsmedaljes ontvang in die spankompetisie. In Air Badminton het hulle albei silwermedaljes verower. Melay het verder uitgestaan in die meisiesdubbels sowel as die gemengde dubbels, waar sy in albei afdelings silwermedaljes verower het. Baie geluk aan Cayden en Melay met hierdie uitstaande prestasies! #trotsdiamantveld

Baie geluk aan Lourens Scheffer wat tydens die Suid-Afrikaanse o/19 Pluimbaltoernooi in Kaapstad nie een nie, maar twee silwer medaljes verower het!

Hy het puik presteer in beide die dubbels en gemengde dubbels.

Ons is ongelooflik trots op jou, Lourens! Hou so aan!

#trotsdiamantveld

Baie geluk aan die volgende spelers wat gekies is om die Noord-Kaap te verteenwoordig by die SA o.19-toernooi en Kerr-beker: Dogters: * Anika van der Merwe * Charlize van der Merwe * Melay Pretorius * Mia Snyman Seuns: * Lourens Scheffer * Alex Pretorius * Henro Kritzinger Hulle sal van 13 tot 19 Julie in Kaapstad aan die toernooi deelneem. Sterkte aan elkeen van julle – ons weet julle gaan Diamantveld se vlag hoog laat wapper! #trotsdiamantveld

Baie geluk aan Cayden Le Roux en Melay Pretorius wat opgeneem is in die Suid-Afrikaanse pluimbalspan! Hierdie span sal Suid-Afrika verteenwoordig tydens die All Africa o.15-kampioenskappe, wat van 1 tot 7 Augustus 2025 in Accra, Ghana plaasvind. Dit is ‘n uitmuntende prestasie – ons wens julle albei alle sterkte toe! #trotsdiamantveld

Baie geluk aan Cayden Le Roux en Melay Pretorius wat opgeneem is in die All Africa o.15-nasionale groep.

Hierdie groep leerders is genooi om van 20 tot 22 Junie ‘n oefenkamp in Alberton by te woon, waartydens ‘n nasionale span gekies sal word.

Sterkte aan beide hierdie leerders!

#trotsdiamantveld

Na ‘n naweek vol opwinding het die spelers die volgende uitslae behaal: – Lourens Scheffer het ‘n silwermedalje in seunsdubbels en ‘n goue medalje in die gemengde dubbels verower. – Alex Pretorius het ‘n silwermedalje in seunsenkels en gemengde dubbels gewen, sowel as ‘n goue medalje in die seunsdubbels. – Anika van der Merwe het silwer in die gemengde dubbels verower. – Melay Pretorius het goud in die o/15-damesdubbels sowel as in die gemengde dubbels gewen. Anika en Melay het in die semi-finaal van die o/19-dubbels gespeel. Verder het Melay ook in die semi-finaal van die o/19-gemengde dubbels meegeding, waar sy en haar dubbelsmaat teen Anika en Alex te staan gekom het. Cayden le Roux het in die semi-finaal van die o/15-seunsenkels gespeel, asook in die kwarteindronde van die gemengde dubbels. Hy het ook in die o/19-kwartfinaal van die gemengde dubbels deelgeneem. Henro Kritzinger, Zaylin Nel, Stefan Botes en Charlize van der Merwe het hierdie naweek ook aan die toernooi deelgeneem. ‘n Verdere uitmuntende prestasie waarop ons trots is, is dié van Madizé le Roux, wat tans die jongste gekwalifiseerde skeidsregter in Suid-Afrika is. Sy het die naweek as skeidsregter opgetree tydens al die o/15-finale. Verder het sy in Desember verlede jaar diens gedoen by die SA Internasionale Toernooi, waar sy die vroue-enkelfinaal as hoofskeidsregter waargeneem het. #trotsdiamantveld

Die Pluimbal SA Skole Kampioenskappe het 28-30 April, 2024 in Durban plaasgevind. Die meisiespan het deurgedring na die finaal en verower ‘n tweede plek tydens die kampioenskappe. Anika van der Merwe en Charlize van der Merwe neem ook deel aan die dubbels en tree as kampioene uit die stryd. Veels geluk aan die pluimbal! #trotsdiamantveld