Hier is die bekendstelling van al die spanne wat van 16–19 Oktober 2025 by ons Kriekettoernooi gaan meeding.

#trotsdiamantveld

#kriekettoernooi

Baie geluk aan ons 1ste-span krieket wat ’n uitstekende oorwinning behaal het teen Frank Roro HUB.

Ons het eerste gekolf en ’n totaal van 230 lopies in die toegelate 20 beurte aangeteken. Hanru Rademeyer het ’n briljante 103 lopies van 38 balle gemoker, met Arno Mostert wat ’n waardevolle 44 lopies van 23 balle bygedra het.

Diamantveld se boulwerk was akkuraat en het Frank Roro vir slegs 80 lopies laat uitbou.

Diamantveld wen die wedstryd met 150 lopies.

Baie geluk, manne!

#trotsdiamantveld

Baie geluk aan ons o/15B-krieketspan wat vandag ’n uitstekende oorwinning behaal het teen Kimberley High School. Diamantveld het eerste gekolf en ’n indrukwekkende totaal van 247 lopies in die toegelate 20 beurte aangeteken. Heinrich van Wyk het besonders goed gekolf en 52 lopies van slegs 32 balle aangeteken. Ons boulers en veldwerkers het skitterend gevaar en Kimberley High School tot 115 lopies beperk. Diamantveld wen uiteindelik die wedstryd met ’n klinkende oorwinning van 132 lopies. Welgedaan, manne! #trotsdiamantveld

Ons o/15A-krieketspan het die afgelope week teen Hoërskool Noord-Kaap kragte gemeet en ’n uitstekende oorwinning behaal.

Diamantveld het eerste gekolf en ’n sterk totaal van 195 lopies aangeteken. Benru Janse van Rensburg het goed gekolf en 48 lopies van slegs 26 balle aangeteken.

Ons boulers en veldwerkers het daarna puik gevaar en Noord-Kaap tot 98 lopies vir die verlies van 8 paaltjies beperk. Ewin Maree het veral uitgeblink deur 3 paaltjies te neem en net 4 lopies af te staan.

Diamantveld het die wedstryd oortuigend met 101 lopies gewen.

Baie geluk, manne – uitstekende prestasie!

#trotsdiamantveld

Ons 1ste-span het vandag deelgeneem aan die CSA T20-toernooi teen HC Rose. Diamantveld het eerste gekolf en ’n uitsonderlike totaal van 295 lopies in die toegelate 20 boulbeurte aangeteken. Francois Holtzhausen het ’n briljante beurt gespeel en 108 lopies vanaf 47 balle* aangeteken. Ruben Viljoen (73 van 38 balle) en Rulo van der Merwe (50 van 19 balle*) het ook waardevolle bydraes gelewer. Ons boulers het ewe uitstekend gevaar en HC Rose tot slegs 69 lopies beperk. Arno Mostert het uitgeblink deur 3 paaltjies te neem en net 6 lopies af te staan. Diamantveld wen met 226 lopies! ’n Uitmuntende prestasie, manne – welgedaan! #trotsdiamantveld

Ons krieketspan neem tans deel aan die Grey’t Bash, aangebied deur Grey Kollege in Bloemfontein. Diamantveld, wat onder die naam McDonald’s Royals speel, het op dag 1 twee uit twee oorwinnings behaal. Wedstryd 1: vs Bordic Bashers Diamantveld het eerste gekolf en ’n telling van 140/5 aangeteken. Cobus Fourie het met die kolf uitgestaan en ’n indrukwekkende 75* vanaf 34 balle aangeteken. Ons span het die wedstryd met 34 lopies gewen nadat die Bordic Bashers tot 106 lopies beperk is. Francois Holtzhausen het 2 paaltjies geneem. Wedstryd 2: vs Chambers Kings Weereens het Diamantveld eerste gekolf en ’n sterk telling van 145/3 op die telbord geplaas. Hanru Rademeyer het die boulers onder groot druk geplaas en ’n merkwaardige 73* vanaf 25 balle aangeteken. Diamantveld het die wedstryd met 28 lopies gewen nadat die Chambers Kings op 117 lopies vasgekeer is. Jean Logan Diedericks en Francois Holtzhausen het elk 2 paaltjies geneem. Dit is uitmuntende prestasies, manne – hou so aan! #trotsdiamantveld

Baie sterkte aan ons krieketspan wat hierdie naweek gaan deelneem aan die Grey’t Bash, aangebied deur Grey College, Bloemfontein.

Hierdie toernooi dien as voorbereiding vir ’n propvol krieketprogram wat voorlê.

Die jaarlikse Diamantveld T20 Kriekettoernooi, wat van 16–19 Oktober plaasvind, is een van die hoogtepunte waarna die seuns kan uitsien. Agtien skole van regoor die land, onder andere Garsfontein, Potchefstroom Volkskool, Helpmekaar Kollege, HJS Paarl en Boland Landbou, neem aan die toernooi deel.

#trotsdiamantveld

Baie dankie aan Panarottis Kimberley , wat ons eerstespan bederf het met ‘n ete nadat hulle die Bloemfontein-krieketliga gewen het!

Dit dui ook die einde van die krieketseisoen aan. Baie geluk aan elke speler met al die mylpale, lopies, vangskote en paaltjies wat julle behaal het.

#trotsdiamantveld

Ons eerstespan het vandag te staan gekom teen Grey Kollege o/19B in Bloemfontein in die semi-finaal van die Bloemfontein-liga en keer terug met die oorwinning in die sak! Ons het eerste veldwerk gedoen en Grey Kollege tot 134 lopies beperk in die toegelate 20 beurte. Waldo Steenkamp en Danie van der Merwe het uitstekend geboul en elk twee paaltjies laat kantel. Ons kolfwerk was uitmuntend, met Benjamin Potgieter wat ’n briljante 54 lopies van 37 balle aangeteken het. Ons het die teiken van 134 lopies in die 15de beurt suksesvol gejaag en behaal. Diamantveld wen met 6 paaltjies. Baie geluk, manne! #trotsdiamantveld

Diamantveld het kragte gemeet met Hoërskool Sentraal in Bloemfontein in ‘n T20-wedstryd. Ons het eerste gekolf en ‘n indrukwekkende totaal van 249 vir 4 aangeteken. Hanru Rademeyer het een van die vinnigste honderdtalle in skolekrieket behaal met ‘n briljante 105 lopies van slegs 26 balle. Sy honderdslaggemerk het 16 sesse en 1 vier ingesluit. Benjamin Potgieter het ook ‘n waardevolle bydrae gelewer met 66 lopies van 40 balle. Sentraal het dapper teruggeveg, maar kon nie die teiken in die toegelate 20 beurte bereik nie en het 177 lopies aangeteken. Diamantveld wen die wedstryd oortuigend met 73 lopies! Baie geluk manne! #trotsdiamantveld