Bepalings vir 2025. Ons sien uit na ‘n opwindende jaar langs die veld! #trotsdiamantveld #rugbynuus #netbaalnuus #hokkienuus #krieketnuus

Baie geluk aan Minette Krüger wat ‘n silwer medalje verower het tydens die gemengde gevegskuns wêreld kampioenskappe. Die kampioenskappe het plaasgevind in Abu Dhabi vanaf 17 Augustus tot en met die 20ste Augustus.

Sy het in die “featherweight” (65.8kg) devisie deelgeneem.

Baie geluk Minette met hierdie uitstekende prestasie! Jy hou nie net Suid-Afrika se naam hoog nie maar so ook Hoërskool Diamantveld sin.

#trotsdiamantveld
#inewskimberley

TRAIL VERBIER ST BERNARD Hardus het op 10 Julie aan die Trail Verbier St Bernard se 26km wedloop deelgeneem. Dit was 1700m hoogte toename oor voetpaadjies in die Switserse Alpe. Sy tyd was 3:41:43 en hy was die 3de atleet in die onder 18 kategorie. Hy was 47ste van 507 atlete wat deelgeneem het. Die wedloop is deel van die UTMB World Series en geld as kwalifisering vir die 2023 Trail Running Wêreld kampioenskappe in Chamonix, Frankryk. BREITHORN Hardus het ook op 6 Julie sy eerste ysberg met ‘n yspik en crampons geklim. Die Breithorn is 4164m bo seevlak naby Zermatt, Switserland en met permanente gletsers bedek. Hy moes die hele tyd ‘n harnas dra en vasgemaak met toue as deel van ‘n span klim om te verhoed dat hy in’n gletserskeur val. Sy ouers en sy sussie, Frances (DHS 2020) was deel van die span. Sover bekend, is hy die eerste DHS leerder wat so iets doen. Ons is verskriklik trots op jou Hardus! #trotsdiamantveld

Sewe van ons leerders is ingesluit in die Noord-Kaap span wat deelgeneem het aan die SAFSAFF Nasionale Kampioenskappe in Kaapstad. Dit het plaasgevind vanaf 24 tot 26 Junie 2022. WB van Dyk, Kendra Wagener en Ashley van der Westhuizen het in die Outlaw span deelgeneem en het ‘n algehele 10de plek behaal. Milan Snyman, Caitlin Kühn, Sheri Smith en Eliz-Mari Stegman het in die Fusion span deelgeneem en het ‘n algehele 9de plek behaal. Baie geluk met die goeie prestasies. #trotsdiamantveld

Die afgelope naweek het 6 van Hoërskool Diamantveld se leerders deelgeneem aan die Northern Cape Schools Cycling XCO resies. Die leerders het uitstekend gevaar en behaal almal die podium in die onderskeie kategorieë.

Die uitslae is as volg:

Sub Junior Meisies
Adri Treurnich – tweede

Sub Junior Seuns
Meyer Botha – eerste

Youth Dames
Hannarie van Niekerk – eerste

Youth Mans
Michael Steyn – derde

Junior Mans
Karlchen Rost – eerste
Endrico Koekemoer – derde

Baie geluk met die wonderlike prestasies!

#trotsdiamantveld

Baie geluk aan Minette Krüger wat’n silwer medalje verwerf het tydens die Afrika Kontinentale Stoei Kampioenskappe. Sy het aan die dames Vrystyl O/17 in die 65kg kategorie deelgeneem. Die dames het algeheel 3de geëindig in Afrika, wat ’n eerste is in die afgelope 10 jaar.

Minette Krüger is ook ingesluit in die Noord-Kaap gemengde gevegkuns span. Hierdie span het deelgeneem in Brakpan, Gauteng, op 21 Mei 2022. Minette het ‘n goue medalje verwerf in die Suid-Afrikaanse Kampioenskappe van 2022.

Baie geluk met die puik prestasies Minette!

#trotsdiamantveld