Ons Eerstespan (1ste XV) het die afgelope naweek vir die eerste keer in die geskiedenis die Kovsiebeker na Kimberley gebring, nadat ons Hoërskool Witteberg met 45–42 op Shimla Park in Bloemfontein geklop het.

Hierdie hoogtepunt merk die afsluiting van die 2025-seisoen – en wát ’n seisoen was dit nie! Diamantveld is gekroon as die beste rugbyskool in die Wesgrow-liga, waarin agt skole meeding. Ons het ook ’n uitstekende ABSA Wildeklawer-toernooi beleef waar ons o/14-span ’n geskiedkundige oorwinning behaal het teen Hoërskool Waterkloof. Daarby het al ons spanne geseëvier teen Maritzburg College, een van die voorste rugbyskole in die land.

Ons o/16A-span het tydens die Jean de Villiers-fees in die Paarl ’n oorwinning oor Hoërskool Menlopark behaal, terwyl ons o/14A-span tydens die Kwaggaweek in George vir Boland Landbou geklop het.

Die Eerstespan het ook ’n sterk vertoning gelewer tydens die Noord-Suid-toernooi by Paul Roos Gimnasium in Stellenbosch, waar hulle Hoërskool Framesby gewen het, maar ongelukkig teen Hoërskool Rustenburg vasgeval het. Nietemin het ons Eerstespan vanjaar 16 van hul 20 wedstryde gewen – ’n merkwaardige prestasie!

Baie dankie aan elke afrigter, spanbestuurder en ouer wat bygedra het om 2025 ’n besondere jaar in Diamantveld se rugbygeskiedenis te maak.

#trotsdiamantveld

Baie geluk aan ons 1ste span wat gekroon is as die Kovsieliga-wenners, nadat hulle Hoërskool Witteberg met 45–42 in Bloemfontein gewen het!

Julle het gewys dat daar net één skool in Sentraal-Suid-Afrika is, en dit is Diamantveld!

#trotsdiamantveld

HOËRSKOOL WITTEBERG
SkoleRugby!
SuperSport Schools Rugby

Baie geluk aan ons 1ste span wat gekroon is as die Kovsieliga-wenners, nadat hulle Hoërskool Witteberg met 45–42 in Bloemfontein gewen het! Julle het gewys dat daar net één skool in Sentraal-Suid-Afrika is, en dit is Diamantveld! #trotsdiamantveld HOËRSKOOL WITTEBERG jouskolerugby SuperSport Schools Rugby

Baie sterkte aan ons 1ste span en o/15-span wat vandag deelneem aan die finaal van die Kovsie-liga.

Ons 1ste span kom om 14:50 op Shimla Park teen Hoërskool Witteberg te staan, terwyl ons o/15-span om 10:50 kragte meet met Bethlehem Voortrekker.

Sterkte manne – bring die bekers huis toe!

#trotsdiamantveld

Baie geluk aan ons Eerstespan en o/15-span wat vandag in Bloemfontein oorwinnings behaal het. Ons Eerstespan het teen Hoërskool Fichardtpark te staan gekom en ’n oortuigende sege van 35–7 behaal, nadat die halftydtelling nog gelykop op 7 elk was. Ons o/14-span het ook teen Fichardtpark gespeel en naelskraap met 12–17 verloor. Die o/15-span het teen Hoërskool Sentraal uitgedraf en ’n welverdiende oorwinning van 21–17 verseker. Ons Eerstespan en o/15-span kwalifiseer dus vir die finaal van die Kovsieliga, wat volgende naweek plaasvind. #trotsdiamantveld Kovsie2b SuperSport Schools Rugby SA School Sports SkoleRugby! jouskolerugby

#trotsdiamantveld

Baie geluk aan die 1ste-span wat Maritzburg College 38-31 geklop het tydens die Absa Wildeklawer Sport toernooi.

Diamantveld maak dus skoonskip teen Maritzburg College met al die A-spanne!

Welgedaan manne!

#trotsdiamantveld

Baie geluk aan ons o/14’s wat Maritzburg College verslaan het met 24 punte teenoor 22 in die doodsnikke tydens die Absa Wildeklawer Sport toernooi!

#trotsdiamantveld

Baie geluk aan ons o/15’s wat Maritzburg College verslaan het met 13 punte teenoor 12 tydens die Absa Wildeklawer Sport toernooi! #trotsdiamantveld

Terugflitse van ons Eerstespan se wedstryd teen Welkom Gimnasium tydens die St John’s Easter Festival in Johannesburg. Diamantveld 50 – 33 Welkom Gim. #trotsdiamantveld