Ons het vandag die voorreg gehad om vir die eerste keer in Diamantveld se geskiedenis ons eie laerskool-hokkiekliniek op ons eie Astro-baan aan te bied.

Hierdie leerders is die toekoms van Diamantveld-hokkie en sal eendag die kans hê om vir ons 1ste span op hierdie einste Astro uit te draf.

Ons is werklik #trotsdiamantveld.

Baie geluk aan ons 1ste-span seuns wat die afgelope naweek in Upington deelgeneem het en as die beste in die provinsie gekroon is.

Hulle het vir KHS met 2–1 in die semi-finaal geklop en daarna Hoërskool Noord-Kaap met 6–1 in die finaal verslaan.

Dit is ’n merkwaardige prestasie – welgedaan, seuns!

#trotsdiamantveld

Baie sterkte aan ons o/16- en 1ste-span-hokkieseuns wat hierdie naweek in Upington aan die Noord-Kaap-uitspele deelneem. Beide spanne speel Vrydag in die halfeindronde en Saterdag in die eindstryd. Sterkte, manne! Maak moontlikhede ’n werklikheid. #trotsdiamantveld

Ons splinternuwe astro hokkiebaan is amper voltooi! Binnekort gaan ons seuns en dogters op hulle eie astro kan deelneem – ’n groot mylpaal vir ons sportgemeenskap. #trotsdiamantveld

Ons is baie trots om aan te kondig dat verskeie van ons leerders gekies is om die Noord-Kaap te verteenwoordig in hokkie tydens nasionale interprovinsiale toernooie wat gedurende die Junie- en Julie-vakansie plaasvind. Hierdie is ‘n groot prestasie wat baie harde werk en toewyding verg. Hier is die leerders wat vir die onderskeie spanne gekies is: O.18A Seuns – 28 Junie tot 5 Julie by Hilton College -Jean Cornelissen -De Wet Fourie -Hanru Rademeyer -Tiaan Coetzee O.18A Dogters – 28 Junie tot 5 Julie by Hilton College -Miné Auret O.16A Seuns – 6 tot 13 Julie by Hilton College -Diwan Rost O.16A Dogters – 6 tot 13 Julie by Hilton College -Simone Steyn (nie-reisende reserwe) O.14A Seuns – 2 tot 7 Julie in Johannesburg -Aiden Underwood -Janco van der Westhuizen (nie-reisende reserwe) O.14A Dogters – 2 tot 7 Julie in Johannesburg -Megan Steele -Cailyn van der Merwe (nie-reisende reserwe) Baie geluk aan elkeen van julle met hierdie besonderse eer! Julle harde werk het vrugte afgewerp en ons sien uit om te sien hoe julle op die nasionale verhoog uitblink. Sterkte met die voorbereiding en kompetisie — julle maak ons ongelooflik trots! #trotsdiamantveld

Ons eerste hokkiespan bobaas in Kimberley teen Hoërskool Noord-Kaap tydens Classic Clashes naweek!

Eindtelling: 1–0

#trotsdiamantveld

Baie geluk aan die o/16A-seuns wat Hoërskool Noord-Kaap met 3 doele teenoor 2 geklop het. Mooi, manne! Dit was ‘n puik wedstryd. #trotsdiamantveld

#trotsdiamantveld jouskolerugby #tennisnuus #rugbynuus #netbalnuus

Baie geluk aan die o.16-span wat as die wenners van die SCST-toernooi in die o.16-seunsafdeling in George aangewys is! #trotsdiamantveld

#trotsdiamantveld