Landsdiens is die prefekte kombinasie van vier liefdes wat in een pakkie toegedraai is.

By landsdiens kan jy net jouself wees, geestelik en emosioneel groei en kan jy jouself soveel beter leer ken. Dit is ‘n beweging waar jy soveel nuwe, verskillende mense ontmoet en waar jy lewenslange vriendskapsbande smee. By Landsdiens verbeter jy nie net jouself nie, maar jy dra ook by tot ander mense se lewens en geluk en ‘n gesonde omgewing.

Die beste van alles is Landsdiens ‘n geleentheid om vir God dankie te sê vir alles wat Hy vir ons doen en om Hom daarvoor te prys. Landsdiens is nie net ‘n beweging nie, maar ‘n leefwyse!!

- Corné van Niekerk (Gr. 12 - 2009)

Die Landsdiensideaal word saamgevat in die strewe na:

Liefde vir die Skepper
Liefde vir die Omgewing
Liefde vir die Medemens
Liefde vir die Arbeid

Aktiwiteite word deur die jaar beplan en sluit kampe, toere, uitstappies, opvoedkundige besoeke, handvaardigheidsprojekte, uitstallings, bewaringstake en gemeenskapsprojekte in.

‘n Toekenningstelsel binne die Landsdiensbeweging beloon hardwerkende landsdieners ten opsigte van prestasie- en leierskapvaardighede. Lede kan selfs Springboktoekennings verwerf. Deelname aan opwindende prestige nasionale projekte word aan presteerders op provinsiale vlak gebied.

Landsdienskampe en projekte is baie bekostigbaar en uiters inspirerend en bevredigend.

Die volgende toekennings is verwerf :
Corné van Niekerk - Springbok (hoogste toekenning op skoolvlak)
Mariëtte du Toit - Leierskaptoekenning
Elizna-Mari Leibbrandt - Leierskapsertifikaat
Danielle du Toit - Leierskapsertifikaat
PG Brand - Leierskapsertifikaat

(Leierskapsertifikaat word na Leierskaptoekenning verwerf)

Aan die einde van 2009 het die volgende Diamantvelders die Noord-Kaap by afsonderlike Nasionale Kampe in Mpumalanga verteenwoordig:
Corné van Niekerk
Elizna-Mari Leibbrandt
Danielle du Toit
PG Brand