In 1935 kom daar in ‘n tydvak oorheers deur ‘n oorwegend Engelse samelewing, 'n skool tot stand met net een doel en strewe:

OM VIR AFRIKAANSSPREKENDE LEERDERS ‘N TUISTE TE BIED WAAR HUL ONBESKAAMD IN AFRIKAANS HUL KULTUUR KON UITLEEF EN AKADEMIESE ONDERRIG VAN HOOGSTAANDE GEHALTE KON ONTVANG IN ‘N SKOOL MET ‘N CHRISTELIKE KARAKTER EN ETOS.

Nou, net soos toe, word AFRIKAANS as onderrigtaal vanuit owerheidsweë bedreig en bied Diamantveld steeds ‘n tuiste vir die Afrikaanse leerder.

Vandag is Hoërskool Diamantveld ryk aan geskiedenis en tradisie en steeds:

TROTS  AFRIKAANS EN ONBESKAAMD CHRISTELIK IN SY VISIE VIR DIE HEDE EN DIE TOEKOMS.

Loop gerus tussen ons kinders op die skoolterrein, en u vind Afrikaanssprekende kinders uit alle bevolkingsgroepe wat hulself hier tuis vind. Sedert die ontstaan van die skool word alle leerlinge wat hul tuis voel in die kultuur en taal, hier by Diamantveld verwelkom – sonder aansiens des persoons.  Ons voeder-areas lewer nog altyd leerlinge oor die hele sosiale spektrum – ryk en arm, geleerd en ongeletterd, hoë bome en nederige madeliefies – almal is ewe welkom.  Só leer ons leerlinge ook om mense wat van hul verskil, te respekteer vir die mense wat hul is.

Die volgende waardes is by Diamantveld ononderhandelbaar:

• Dissipline
• Gehalte akademiese onderrig
• Gesonde klem op sportdeelname
• Liefde vir eie kultuur
• Diamantveld - een groot huisgesin

By Diamantveld is daar sedert 2008 weekliks ‘n vaste waarde-periode vir al die leerders.  Daar word aandag gegee aan onderwerpe soos:

Integriteit, Die Eksta Myl, Rentmeesterskap, Respek, Hulpvaardigheid, Goeie Maniere, Sportmanskap, Toekomsgerigtheid, Diensbaarheid, Lojaliteit en vele meer.

 

EREKODE

ONS WERK EN SPEEL:

GEDISSIPLINEERD
MAAR NIE ONBUIGSAAM NIE;

MET SELFVERTROUE
MAAR NIE SELFVERSEKERD NIE;

MET OORGAWE
MAAR NIE BRUTAAL NIE;

TAKTIES
MAAR NIE ONEERLIK NIE;

OM TE WEN
MAAR NIE TEN ALLE KOSTE NIE;

OM VAN ELKE MOONTLIKHEID
'N WERKLIKHEID TE MAAK.

A POSSE AD ESSE

(MET ERKENNING AAN DIE DHS EERSTE NETBALSPAN 1990)